A Coruña das Mulleres

Somos un grupo de persoas que traballa no coñecemento da historia das mulleres na cidade da Coruña

Teresa Herrera

Plano da Coruña no tempo de Teresa Herrera

Teresa Margarita Herrera y Pedrosa, nada na rúa da cordonería, o 10 de novembro de 1712 e finada  o 22 de outubro de 1791, foi a fundadora do primeiro Hospital da Caridade da cidade.

Cando naceu, a cidade da Coruña tiña unha poboación de 12 000 habitantes e o reino estaba en plena guerra de Sucesión entre os Borbóns de Filipe V e os Austrias de Carlos de Austria.

Orfa de pai dende os catro anos, ponse a traballar moi nova para non ser unha carga para a nai, viúva con 10 fillos. Os seus irmáns van morrendo de enfermidade e a nai muda o testamento a favor de Teresa, coa condición de que coide das súas dúas irmás, especialmente de María Josefa que nacera cun atraso psicolóxico.

Entregada aos seres marxinados, dende moi nena acollía e coidaba na súa casa a mulleres enfermas e sen recursos, convertendo o seu lar nun pequeno hospital, así era chamado polos conveciños: “o hospitaliño de Deus”.

Dedicada á devoción católica e á caridade, os seus coetáneos alcumábana “Tareixa dos demos” pola súa afección a facer de xeonllos o percorrido até a igrexa de San Nicolás, onde practicaba os seus rezos diarios.

Deste xeito, concibiu a idea de fundar un Hospital da Caridade e, con esta finalidade en 1789 doou os seus bens á Congregación da Virxe das Dores. En xullo de 1791 colocouse a primeira pedra do futuro hospital, nun solemne acto ao que asistiu Teresa Herrera que, nesa altura contaba 80 anos, e que morrería uns meses despois. O hospital será inaugurado tres anos despois.

Os seus restos descansan na Igrexa de San Nicolás da cidade.

En 1876 o concello coruñés honrou a memoria desta benfeitora coa súa incorporación ao roteiro da cidade.

En 1947 creouse un espectáculo deportivo, o Trofeo Teresa Herrera, cuxos ingresos estaban destinados á beneficencia municipal.

Na actualidade o hospital materno infantil tamén leva o seu nome.

Comparte esta biografía

Share on facebook
Share on twitter
Share on whatsapp
Share on telegram

Explorar máis

El Progreso Femenino
Colectivos

El Progreso Femenino

En novembro de 1910 fúndase El Progreso Femenino, Sociedad de cargadoras y descargadoras de carbones, sales y minerales da Coruña, continuadora de La Libertad en

Ler máis »
Juana Capdevielle
Represaliadas

Juana Capdevielle

No lugar onde medran as silveiras e discorre a auga pola estrada houbo antes un suco de sangue inzando de nomes as cunetas: A cuneta

Ler máis »

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies