A Coruña das Mulleres

Somos un grupo de persoas que traballa no coñecemento da historia das mulleres na cidade da Coruña

Sal Lence

Sal Lence

O equipo de fútbol sala Sal Lence naceu no colexio do mesmo nome, sito no barrio coruñés d’Os Castros, a mediados da década dos oitenta.

O seu presidente e alma do club foi Víctor Sieiro, finado en 2011, quen foi unha persoa clave para que a escuadra saíse adiante e lograse a excelencia deportiva.

Sal LenceO Sal Lence gañou dúas Ligas consecutivas (1994-95 e 1995-96) e logrou un campionato de Copa na campaña 1995-96, na que fixeron o dobrete. As herculinas inauguraron o palmarés da Primeira División Feminina de Fútbol Sala, a competición ligueira dunha modalidade deportiva que tivo un pulo grande a nivel de repercusión pública e mediática na década dos noventa.

O adestrador nesa época exitosa foi Manuel Castillo e as dúas xogadoras que máis destacaban eran Ana Silva e Beatriz Seijas, quen se retirou aos corenta e cinco anos de idade despois de gañar máis títulos con conxuntos ourensáns. Esa parella de futbolistas tiveron a consideración de indiscutibles estrelas deste deporte e formaron parte da selección española, mais o poderío do cadro coruñés non só proviña delas, xa que María Bardanca e as irmás Nuria e Celia Iglesias tamén lograron ser convocadas para xogar con esa camisola.

Na tempada 2005-2006 fusionáronse co Club Viaxes Amarelle FSF e o nome do Sal Lence desapareceu da actualidade, mais deixando unha pegada indeleble na historia deste deporte polo gran nivel de xogo amosado na pista.

 

Comparte esta biografía

Explorar máis

Elisa e Marcela
Pioneiras

Elisa e Marcela

Elisa Sánchez Loriga (A Coruña, 1862) e Marcela Gracia Ibeas (Burgos, 1867) coñecéronse a mediados da década de 1880 na cidade da Coruña, concretamente na

Ler máis »
María Muñpz Portal
Pioneiras

María Muñoz Portal

María Muñoz Portal (A Coruña 1886-A Habana 1947), directora, compositora, pianista, profesora, articulista, conferenciante, promotora cultural e colaboradora con importantes institucións e intelectuais. Segundo Neira

Ler máis »

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies