A Coruña das Mulleres

Somos un grupo de persoas que traballa no coñecemento da historia das mulleres na cidade da Coruña

Rafaela Hervada

Rafaela Hervada

A primeira directora dunha radio en España foi unha coruñesa, Rafaela Hervada, Palela. Cursou a carreira de Dereito na Universidade de Santiago de Compostela, sendo a primeira muller licenciada en Dereito na cidade da Coruña. Ela non se sentía especialmente atraía pola radio mais seu pai, Francisco Hervada, creara en 1934 Radio Coruña, a primeira emisora que funcionou na cidade, e a Rafaela tocáballe axudar a seu pai. Contaba Rafaela que un representante de Marconi chegou en 1932 á Coruña coa intención de montar unha emisora e cando seu pai o soubo interesoulle inmediatamente o negociou e así dous anos despois –o 15 de marzo de 1934– comezaba a emitir Radio Coruña, “Aquí EAJ41, Radio Coruña” e a primeira voz era tamén doutra muller, Nieves Navarro.

Rafaela Herrvada - Foto de Víctor Echave
Rafaela Hervada ante o busto de seu pai, Pancho Hervada, fundador de Radio Coruña. / Víctor Echave – La Opinión

Eran aqueles primeiros anos da posguerra, anos duros e escuros nos que se lles obrigou a clausurar a emisora preto dun ano para que tivesen vía libre ás transmisións nazis, “con non sei que escusa, pero en realidade para deixar a frecuencia libre para a emisora espía que os nazis tiñan nuns camións no monte de Santa Margarita”. Eran anos tamén da conexión obrigatoria co “parte” de Radio Nacional e da esixencia de ter que pasar todos os guións a censura. Para a súa emisión “non podiamos publicar, nin sequera a publicidade, sen antes levarlle cada mañá a Serrano Castela todos os papeis”.

Rafaela Hervada fíxose cargo da dirección ao morrer o fundador, en 1964, tiña entón 47 anos. Uns anos antes, en 1949, Radio Coruña asociouse á Cadena SER: “ía ás asembleas da Cadea Ser, en Madrid, e era a única muller entre aqueles señores”.

Con ela, Radio Coruña, que viña de emitir escasas horas pola tarde e a partir das dez da noite ata as 12, empezou a emitir as 24 horas e en frecuencia modulada. A ela se lle debe tamén a aposta da radio polos informativos, e as licenzas para emitir por FM os 40 principais.

Morreu na Coruña o 26 de febreiro de 2010.

Comparte esta biografía

Share on facebook
Share on twitter
Share on whatsapp
Share on telegram

Explorar máis

Plano da Coruña no tempo de Teresa Herrera
Pioneiras

Teresa Herrera

Teresa Margarita Herrera y Pedrosa, nada na rúa da cordonería, o 10 de novembro de 1712 e finada  o 22 de outubro de 1791, foi

Ler máis »

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies