A Coruña das Mulleres

Somos un grupo de persoas que traballa no coñecemento da historia das mulleres na cidade da Coruña

María Luisa Durán Marquina

María Luisa Durán Marquina

María Luisa Durán Marquina (A Coruña, fins do XIX-1966), foi actriz, cantante e xornalista.

Actriz do elenco da Irmandade da Fala coruñesa, fundou e dirixiu algúns grupos teatrais de afeccionados de onde sairían actores que posteriormente alcanzarían grande sona nos escenarios.

Durante 22 anos foi Catedrática de Declamación do Conservatorio Profesional de música e Declamación da Coruña, exercendo, tamén de Secretaria.

A primeira vez que subiu a un escenario tiña 7 anos, foi no teatro Jofre de Ferrol, onde estaba destinado o seu pai (o xeneral Antonio Durán Loriga).

Formará parte do Cuadro de Declamación do Patronato de Caridad da cidade, co que actuará, no teatro Rosalía de Castro, no Teatro Principal de Santiago e tamén en Ferrol. Colleitará grande éxito coa peza de Linares Rivas: La raza, desempeñando o papel de marquesa de Doniños.

Cunha grande vocación xornalística, en 1931 entrou a traballar en El Ideal Gallego onde permaneceu durante trinta e cinco anos, até a súa xubilación. Tiña ao seu cargo a sección de sociedade, crítica musical, cinema, teatro… ademais de reportaxes, entrevistas, etc.

Foi Secretaria da Asociación de Prensa.

En varias efemérides, demostrará os seus dotes de cantante, ben soa, ou acompañada ao harmonio pola profesora Honoria García.

Formou parte da directiva da coral polifónica El Eco, figurando como presidenta da Junta de Damas, (o presidente é Diego Delicado Marañón).

O 14 de abril de 1955 pronuncia unha conferencia “Los Castros, espíritu femenino de la Coruña” no Centro Cultural y deportivo dos Castros.

Durante a República foi unha das promotoras da Unión Regional de Derechas na Coruña.

Unha rúa na Coruña, na zona do Estadio de Riazor, leva o seu nome.

Comparte esta biografía

Share on facebook
Share on twitter
Share on whatsapp
Share on telegram

Explorar máis

María Muñpz Portal
Pioneiras

María Muñoz Portal

María Muñoz Portal (A Coruña 1886-A Habana 1947), directora, compositora, pianista, profesora, articulista, conferenciante, promotora cultural e colaboradora con importantes institucións e intelectuais. Segundo Neira

Ler máis »
Milagros Rey Hombre
Pioneiras

Milagros Rey

Milagros Rey Hombre nace en Madrid en 1930 e morre na Coruña en 2014. Primeira arquitecta colexiada na Coruña. Primeira Arquitecta municipal da cidade, tendo

Ler máis »

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies