A Coruña das Mulleres

Somos un grupo de persoas que traballa no coñecemento da historia das mulleres na cidade da Coruña

Fanny Garrido

Fanny Garrido

Francisca González Garrido, coñecida como Fanny Garrido, nada na Coruña en 1846 e finada no pazo de Lóngora (Liáns, Oleiros) en 1917.

Escritora e tradutora.

Adoptará tamén o pseudónimo de Eulalia de Lians cando se instale nese lugar co seu primeiro marido, o compositor Marcial del Adalid.

Colabora en El Correo de Madrid; na revista Galicia que dirixe Martínez Salazar. Nos seus artigos fala da problemática e das necesidades sociais e culturais da época. Da situación agrícola, as carencias de comunicación e a situación dos menores.

Sábese que compuxo media ducia de poemas en galego aos que puxo música o afamado compositor.

Aparecen recollidos na colectánea de Marcial del Adalid que publicou en 1985 Margarita Soto Viso.

Autora de tres novelas: Escaramuzas, 1985, de carácter autobiográfico, La madre de Paco Pardo, 1989, e Batallas, que permanece inédita.

Tamén comezou unha novela por entregas na revista Galicia, que quedou inconclusa.

Fanny Garrido e a súa filla María del Adalid
Fanny Garrrido e a súa filla María del Adalid

Verteu do alemán para castelán dúas obras, Caderno de viaxe de Heine e Viaxe a Italia de Goethe, que lle achegou un notábel prestixio entre os intelectuais, pois a autora, ademais de amosar os seus coñecementos do idioma é quen de superar atrancos métricos ou rítmicos das obras orixinais, grazas á súa condición de poeta.

Nomeada membro correspondente da Real Academia Galega en 1906.

Convén sinalar que as referencias que aparecen na prensa á súa persoa, a maioría das veces fano para salientar a súa notábel beleza, malia ser autora de poemas, novelas e primeira tradutora dunha obra de Goethe para o público hispano, nun momento que non había moitas mulleres traducindo.

Ese foi o comentario da prensa parisina cando acompañou a Marcial á representación da súa ópera Inés e Bianca.

Tamén conta a prensa que na visita á cidade da raíña Isabel II, esta fixo parar a súa carruaxe para coñecer a unha muller tan bela, e prometeulle que sería madriña da súa voda. E cando tal aconteceu, alí estivo Fanny Garrido para ser testemuña do evento.

Comparte esta biografía

Share on facebook
Share on twitter
Share on whatsapp
Share on telegram

Explorar máis

Irmás Carré
Pioneiras

Irmás Carré

María del Pilar Carré Sánchez nace na Coruña en 1921 e María Purificación Carré Sánchez nace, tamén na Coruña, en 1922. As irmás María del Pilar

Ler máis »
María Casares
Pioneiras

María Casares

María Víctoria Casares Pérez nace na Coruña en 1922, filla de Gloria Pérez e Santiago Casares Quiroga (que formará parte do goberno de Manuel Azaña),

Ler máis »

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies