Nace o 12 de setembro do 1926, na Fontenla en Pravio, Cambre.
Naqueles anos había telleiras nesa zona, das catro que había só nunha tiñan entre o cadro de persoal a mulleres. Elvira foi unha delas, incorporouse a traballar con 18 anos. A súa función era acomodar os ladrillos na eira da telleira do Rioboo.
Dos 15 traballadores, catro eran mulleres: Elvira, Carmen a de Barcia, Avelina da Raposeira, e de encargada da máquina Carmen A Antana que botaba o barro para que a máquina o fose tragando e sempre pendente de que non foran pedras á máquina.
O día que ían co burro ao barreiro non traballaba a máquina.
Elvira casa aos 22 anos e, como pasaba con gran numero de mulleres, vese na obriga de renunciar ao seu traballo pola seu estado civil e para coidar da sogra, da casa e das leiras.
Elvira de recen casada vendía ovos. Ben os daba comido ela, pero ía vendelos –arrastrando os pés e a fame– dende Cecebre a Pravio, a Cambre e a Oleiros.
Xubílase despois de traballar durante 9 anos na granxa porcina de Cecebre.
