A Coruña das Mulleres

Somos un grupo de persoas que traballa no coñecemento da historia das mulleres na cidade da Coruña

Celia Rivas Casais

Celia Rivas

Celia Rivas, foi a primeira muller camioneira no estado español, cofundadora xunto ás súas irmás da empresa Fillos de Joaquín Rivas.

Celia RivasNada en 1912 en Fisterra, con apenas 19 anos chega  á Coruña para sacar o permiso para conducir camións. Convértese así na primeira muller camioneira do Estado e funda a empresa Hijos de Joaquín Rivas dedicada ao transporte de peixe e marisco.

O pai de Celia, sendo emigrante en Estados Unidos aprendera o oficio de mecánico e con el aprende Celia a conducir e a amañar coches. O primeiro camión que conduciu,  un 25 de abril de 1932, foi un Chevrolet de catro toneladas e transportaba peixe á Coruña e Vigo. Pouco tempo despois morre o seu pai e nin Celia nin súas irmás poden legalmente facerse cargo do negocio familiar e terán que agocharse baixo o nome de “Hijos de Joaquín Rivas” e coa titularidade da súa nai,  pois o súa  condición de mulleres, e menores de vinte e tres anos, impedíalles que estivese ao seu nome. En 1936 xa poden mercan un autobús Ford, de 50 asentos, para realizar transporte de viaxeiros, mais aos 15 días prodúcese o golpe de estado e o autobús foi incautado para o transporte de soldados.  Para non perder o seu vehículo Celia ofrécese voluntaria para transportar os soldados e asígnallese a fronte de Mérida. Este traballo feito á forza, ou cando menos para evitar un mal maior, convértea, moi probablemente na primeira muller europea que participou nun conflito bélico como transportista.

Carné conducir de Celia RivasCóntase tamén que Celia e as súas irmás, xunto a outra veciñanza, axudaron a tripulación dun avión estadounidense que foi abatido polas forzas alemás na praia de Langosteira e por iso en setembro de 1943, o vicecónsul dos Estados Unidos de América en Vigo, Leon L. Cowles, envioulles unha carta na que manifestaba “o agradecemento sincero polas cariñosas, humanitarias e desinteresadas atencións tidas por vostedes cos membros da tripulación”

Podedes ler a publicación realizada por familiares da vida de Celia Rivas:

Díaz Rivas, Lilí; Trillo, Benjamín. “Celia Rivas Casais – Pioneiras da Costa da Morte”. Servizo Galego de Igualdade (SGI). Secretaría Xeral da Igualdade. Vicepresidencia da Igualdade e do Benestar. Xunta de Galicia.

Comparte esta biografía

Share on facebook
Share on twitter
Share on whatsapp
Share on telegram

Explorar máis

María Cagiao
Pioneiras

María Cagiao

Nada na Coruña no 1919, trasládase máis tarde ao concello de Culleredo. Pintou moito e moi ben segundo as críticas publicadas na prensa da súa

Ler máis »
Elvira Bao
Represaliadas

Elvira Bao

Elvira Bao Maceiras, nada na Coruña en 1890 e finada na mesma cidade o 26 de abril de 1971 foi unha mestra galega, militante do

Ler máis »

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies